DULAON karong edisyon sa Kadayawan mao ang Kadayawan Triathlon 2018 diin kadaghanan sa mga partisipante mao ang kategorya sa mga bata nga dulaon ugmang adlawa didto sa Villa Josefina sa Toril, Davao City.

Si Triathlon Association of the Philippines (Trap) Mindanao representative ug race director Eustaquio “Stax” Savellano, sa Davao Sportswriters Association (DSA) Forum sa The Annex sa SM City Davao niadtong Huwebes, miingon nga anaa sa 216 mga bata ang nagpalista sa edad 4 hangtud 15-anyos.

Ang kids age group dunay tulo ka bahin lakip ang 4-6-anyos (50-meter swim, 1.5-kilometer bike, 300m run), 7-9 years old (100m swim, 3K bike, 1K run), 10-12 years old (200m swim, 6K bike, 300m run) and 13-15 years old (400m swim, 9K bike, 3K run).

Ang adults 16-years old and above has novice (400m swim, 9K bike, 3K run) ug sprint (750m swim, 20K bike, 5K run).

Ang lumba gi-organisa sa Tri-Right Mindanao, ang organisasyon sa coaches sa Mindanao nga tumong mapalambo pa ang grassroots athletes, nga mahimong preparasyon sa Alaska Ironkids ug Ironman 70.3 Davao sunod tuig.

Sa bahin ni Coach ug swim marshal Marjun Antoque, gipaneguro niini ang seguridad ug kaluwasan sa mga bata.

Mga medalya ug tropeyo gikan sa Sports Development Division-City Mayor's Office ang ihatag sa mga modaug. (ABM)