ANG Kadayawan Chess Festival 2019 ug Philippine Executive Chess Association (Peca) National Championships Mindanao Leg mosikad karon Sabado, Agosto 10, sa Damosa Market Basket sa Lanang, Davao City.

Si National Chess Federation of the Philippines (NCFP) regional director James Infiesto, atol sa Davao Sportswriters Association (DSA) Forum sa The Annex sa SM City Davao, Huwebes, nagsulti nga mga ‘executive chessers’ gikan sa ubang parte sa Mindanao ang motambong.

“This is a qualifying for the 2019 GM Rosendo Balinas National Executive Chess Championship grand finals set on November 16 and 17 at Casa Pilar Beach Resort,” suma niya.

May nagpaabot nga cash prizes sa mga mananaug, diin ang kampeyon mobitbit og P10,000 matag usa, lakip na tropeyo.

Samtang ang top 10 placers sa Kadayawan chessfest, diin isponsor ang city government of Davao pinaagi sa Sports Development Division saCity Mayor’s Office, modawat sab og premyo, diin ang top 5 lang ang modawat og pahalipay atol sa Peca meet.

Duna say special awards nga ipanghatag.

Ang bugno sa utok ug diskarte magsugod alas 10 a.m.