BRUNEI -- Mga manlalangoy gikan Davao City nga sila Joshua Raphael del Rio ug Fritz Jun Rodriguez milangoy og duha ka bulawang medalya sa 10th BIMPNT-Eaga Friendship Games alang Team Mindanao-Philippines sa pagsugod sa swimming competition sa Hassanal Bolkiah National Sports Complex, alas 12 p.m. Huwebes.

Si Mikey Aportadera, nga maoy nanguna sa delegasyon sa Davao, all-out ang pag-cheer sa mga Dabawenyo swimmers uban si Philippine Sports Commission (PSC) Commissioner Charles Raymond Maxey.

"I am always proud of Davao City and Mindanao athletes. It's not about the size since others were taller and bigger than them. But even before leaving the city I already told them to play with their hearts and that's what we have seen here," suma sa Sports Development Division of the City Mayor's Office (SDD-CMO) officer-in-charge.

Si Commissioner Maxey, nagpasalamat sab sa mga atleta sa pagrepresenta sa nasud.

Gidasig niya kining di mawad-an og paglaum.

Si Del Rio, 15, Grade 9 student sa Ateneo de Davao University, miisa sa iyang kamot human ang duha ka minutos ug 3.95 segundos sa men's 200-meter freestyle finals.

Giunhan niya ang Dabawenyo sab nga si Eirron Seth Vibar nga miangkon og silver, ug taga-Brunei nga si Nur Haziq Samil nga nakabronse.

Samtang si Rodriguez, nanguna sa men's 50m breastroke sa oras nga 31.22 seconds.

Si Darren Ngui Moh Gin sa Sarawak Malaysa (31.86) nakuha ang silver samtang ang laing Dabawenyo Edward Alfaro III sa Mindanao-PH (31.98) mikuha sa bronse.

Ang 17-anyos nga si Rodriguez, Grade 12 ABM student sa San Beda University. (MLSA)