SI KANHI University of Mindanao (UM) standout Peter June Simon, gikan sa Makilala, nagpasalamat sa iyang mga fans sa iyang ikawalo nga PBA All-Star appearance.

Sa iyang Facebook post, ang Magnolia Hotshot nagsulti, “Maraming salamat sa lahat PBA fans and Magnolia Hotshots sa pag suporta ninyo sakin. Naka walong appearance ako sa All-Star dahil sa inyo.”

Ang 37-anyos nga si Simon nga sa di madugay kaslon sa Miss Supranational Jehza Huelar, nga usa sab ka Dabawenya, nakuha ang best three-point shootout award human gipildi si NorthPort’s Robert Bolick ug NLEX’s Philip Paniamogan sa final round.

“So surreal to actually win this award! I was already grateful for being chosen to compete in this category, and to win in it is just icing on the cake. Thank You, Lord, for the unexpected blessings you always give! It’s truly humbling. #AllGlorytoGod,” dugang niya. (MLSA)