MIBANDERA ang watawat sa Pilipinas sa internasyunal nga luna nga pinaagi sa 20-anyos nga si Marjon Piañar, kanhi iskolar sa Barangay Una Boxing Program sa Floirendos sa Panabo City.

Si Piañar mikampeyon sa Belt and Road China-Asean Boxing Championship 2019, nga gihimo Oktubre 27 sa Nanning, China Boxing Sports Center.

Si Piañar, kanhi HRM student sa University of Mindanao Panabo College, midaug kontra kaatbang nga Singaporean via “split and walk over” decision.

Una nahimong parte sa Philippine Boxing team, si Piañar iskolar ni kanhi kongresista Tonyboy Floirendo sa Barangay Una Boxing Gym nga nakahimo na og daghang international ug world champion boxers sama nila Jerwin Ancajas ug daghan pa.