ANG siyam ka miyembro sa Team Herbalife, nga maoy defending team champion, wa nagpadala sa presyur, misaad nga ihatag ang ilang 100 percent nga performance sa ilang pagsalmot sa ikaduhang Alveo Ironman 70.3 Davao karong Dominggo, Marso 24 pagawas ug pabalik sa Azuela Cove sa Lanang, Davao City.

Si Team captain Julian Valencia, sa press conference sa Park Inn by Radisson, Miyerkules nagkanayon nga makigtigi sila sa individual age group categories samtang sila Dwan Abantao ug Laarni Paredes motigi sa all-female relay event.

“We all prepared for this race since December but there is no such thing as off-season for us. We trained all year round and we identified Davao as one of our major races so we are putting in a lot of time and a lot of effort for it,” ni Valencia.

Dugang pa niya, “We did all hardwork and preparations. We can only prepare so much but we will definitely give our 100 percent.”

Si Ines Santiago, nga mipakita sab og aksiyon sa relay sa nakalabay nga tuig, nanghinaut nga mahuman ang 70.3 nga course nga naglangkub sa 1.9-kilometros nga paglangoy sa Pakiputan Straight, 90K bike ngadto Tagum City ug pabalik sa Azuela Cove ug sa duha ka loop sa 21K run. (MLSA)