INIT nga gihangop ang gihimong Ceremonial Torch Relay sa 30th South East Asian (SEA) Games 2019 nga nanukad sa Davao City Miyerkules.

Kini nanukad ug nahuman sa SM Lanang Premier.

Ang aktibidad gitambungan nila Philippine Sports Commission Commissioner Charles Maxey, Davao City Vice Mayor Sebastian "Baste" Duterte, mga lokal nga opisyales, atleta ug uban pa.

Apil sa nanguna sa torch si Judo Bronze Medalist World Junior Sambo Championship 2019 Sydney Sy Tancontian nga malipayong nahimong kabahin sa history.

Gawas kang Tancontian, apil sab sa torch relay si Aiba Womens World Boxing Championships 2019 gold medalist Nesthy Petecio, 19-anyos nga wakeboard double bronze 2015 SEA Games medalist nga si Mikee Selga.

Alang ni Bise Mayor Duterte nga dakong dungog alang sa Davao City nga mahimong host sa simboliko nga pagpasiga sa 30th Southeast Asian (SEA) Games torch ug kawa.

Si Senador Christopher Lawrence Bong Go, aktor nga si Robin Padilla, pipila lamang sa personalidad nga mitambong sa aktibidad.

Gikan sa uwahing host country nga Malaysia ang sulo ug gisugdan ang countdown pinaagi sa torch relay sa Davao City.

Mosunod sab dinhi ang Cebu, Tagaytay, Manila, Malacañang, Kamara ug Clark, Pampanga.