Unit 6, 7 kampeyon na sab sa DCAA Meet
ANG Ateneo de Davao University (Addu) Blue Knights-Unit 6 ug Holy Child College of Davao (HCCD) Red Eagles-Unit 7 malampusong nadepensahan ang ilang gold medals sa pagtapos sa Davao City Athletic Association (DCAA) Meet 2019 elementary ug secondary boys basketball competitions sa managlahing venues sa Davao City, Nobyembre 22.
Ang Blue Knights, gigiyahan ni coach Harry Hipolito, nakigduwa sa Matina Central Elementary School-Unit 3, 65-35, sa Daniel R. Aguinaldo National High School (Dranhs), aron ipabilin ang elementary boys basketball title, sukad 2016.
Ni Hipolito “trapping defense clicks and offense” ang yawe aron madepensahan ang kampeyonato.
Niya, may duha na lang sila ka reinforcements alang Davao Region Athletic Association (Davraa) Meet 2020 - Jiriel Zach Castardo sa MCES-Unit3 ug Jamilo Sotero sa Magallanes Elementary School.
“Pero sa January pa siguro kami start ng intensive training. For now, focus muna dito sa local leagues,” dugang niya sa pakighinabi sa SunStar Davao via Facebook interview.
Ang Unit 6 mipukas sa Unit 7, 78-37, human gihap-an Unit 1, 57-55 ug gibukbook ang Unit 8, 69-40, ug Unit 4, 80-28, sa nakalabay nga duwa.
Sila John Brendan ug Jake Brendan Alpapara, Al-zaki Ameer O. Sangki, Theodore Emmanuel G. Zamora, Julian Joaquin L. Garcia, Heaven S. Pigar, Astin Parker P. Sañano, Oscar Reynald C. Geraldo, Rowe Isaac Tavita, Angelo James Jesuro, Jalf C. Pitulan ug Gian Matthew A. Bullecer nanguna sa Unit 6.
Samtang sa Holy Cross of Davao College (HCDC) Gym, ang Red Eagles gipukan ang Davao Jones Academy (DJA)-Unit 8, 85-82, alang sa secondary boys basketball titular showdown.
Si Sorrosa, sa phone interview, “Sa height pa lang lupig nami. Nalipay ko gwapo ilang dula mura pug beterano. Ang kalaban namo kusog. Dula ra jud mi sa among dula. Ang mga bata naningkamot pud. Dili mi katuo madaug pa mi sa mga dagko nga kalaban.”
Si Aeron Jeswill Awe mipuntos og 19 aron manguna s aUnit 7 samtang si Kyle Francis Jamora ug Victor Joshua Bedoya mihimo og 7 puntos.
Ang Unit 7 gilangkuban nila John Carl Aballe, Philip Miguel Anasco, James Belicario, Kerk Cadayona, Raven Gumban, John Orac, Dave Solon, Axl Taporco ug Ryan Villasenda.
