ANG National Private Schools Athletic Association (Prisaa) Games 2020 nga gitakda karong Abril, di na mahinayon, inay mga organizers misibog niini sa Abril 2021 tungod sa state of public health emergency nga kasamtangang gipatuman tungod sa coronavirus disease (Covid-19).

Si Davao Region Prisaa president Ma. Lita Montalban, nga nanguna sab sa Davao City Prisa, nagyagyag niini atol sa pakighinabi kaniya sa SunStar Davao.

Niya pa, “Next year na ang National Prisaa Games sa Tuguegarao gihapon. Sila man ungta ang host this year."

Suma ni Montalban nga sagad duwa sa Davao City Prisaa Meet 2020 nasuspenso una pa man ang city government of Davao mipatuman sa community quarantine sa siyudad.

Ang men’s and women’s athletics, men’s and women’s chess, women’s volleyball ug women’s basketball lamang ang naduso.

“Kung ma-lift na ning quarantine og public health emergency, gusto namo ipadayon ang city meet maski Saturdays or Sundays lang."

Dugang niya nga kung matapos na ang Covid-19 crisis, posible nga ipadayon nila ang Davao Region Prisaa Meet diin host ang Davao City.

“Aron makadula gihapon ang mga bata kay nangandam naman ni sila."

Apan kini hisgutan pa atol sa tigum tali Davao Region Prisaa Board inig human sa quarantine.