SI CATRIONA Gray ang sunod nga Pinoy nga makabaton og kaugalingong Madame Tussauds wax figure nga ibutang sa Singapore.

Sa Instagram, gipahibalo ni Cat ang maong balita.

Sa pahayag sa Madame Tussauds Singapore, giingong ang wax figure ni Catriona "a replica of the iconic lava gown, inspired by Albay's Mayon Volcano, specially designed by Mak Tumang, which she wore when she won the 2018 Miss Universe tile."

Dugang sa Madame Tussauds Singapore nga ang wax figure ni Cat ipakita sa Manila una kini ibiyahe pa-Singapore, dayon ibiyahe kini sa Bangkok and Hong Kong.

"I am so excited to see the final figure and be a part of this special event! To unveil the figure in my home country with my fans watching is another dream come true," ni Catriona.

Si Catriona ang unang Pinoy nga may wax figure sa Madame Tussauds Singapore, samtang si Miss Universe 2015 Pia Wurtzbach mao sab ang unang Filipino nga may wax figure sa Hong Kong.