DEAR Heartline,

Ako si Otoy, 60-anyos. Unsaon nako ni akong asawa nga pagkapalakera gyud. May edad na pud siya, 50-anyos. Daghan siya og uyab nga lain. Sakitan kaayo ko labi na og wa koy tarong kita. Pangutan-on nako siya, igo ra moingun nga di daw ko niya biyaan kay mahal daw ko niya. Palihug tambagi ko kay basin too much love will kill me. Plano gyud nako maghikog kay mahal nako akong asawa.

*****

Hi Otoy,

Palihug lang, ayaw kana himua. Ngano og maghikog ka paminaw nimo masulbad ang imong suliran?

Basin sab og wa na nimo himua ang imong responsibilidad sa imong asawa mao ng didto na siya nalingaw sa laing lalaki?

Bisan pa man og may edad na, gikinahanglan man gihapon ang pag-hapuhap, lambing ug mga pagilok ba, basin sab og wa na nimo na mahimo ngadto kaniya.

Apan kung nabuhat mo kana, but wa gihapon ma-satisfy si misis, molingi pa gihapon sa lain, well, that’s another story.

Be a husband ngadto niya, kasab-i, pitula ang iyang ginahimo. Ayaw siya pasagdi anang kabuang niya.

Heartline