MATAG higayon nga makakita ako og mga wedding gowns, di nako kapugngan nga mahingangha and magmuni-muni unsa kahay itsura nako kung ako mosuot niini.

Tuod man, damgo sa matag babaye, di man tanan, ang makasuot og wedding gown, dungan ang pagbitbit og bulak, dayon paso' padung sa altar sa kaminyuon.

Plus pa diha ang very romantic nga set-up, inubanan sa mabulukong kolor sa bulak ug ubang dekorasyon, samtang nagpaabot kanimo sa altar ang groom.

Ang kasal, usa sa labing dako nga selebrasyon sa mga Pinoy. Mao nga kung may kaslunon sa pamilya, o bisan nagplano pa lamang, panukaran gyud kini og maayo aron ma-achieve ang dream wedding. Of course, di sab gyud kalimtan ang badget.

Hulyo 27-29 ning tuig, hugyaw ang activity area sa Abreeza Mall, Bajada ning siyudad sa maanindot nga gowns, set-up, bulak subay sa Kasalan at Kotilyon 2018.

Suma pa nga ang dakong hilig sa mga Pinoy sa selebrasyon sa kasal nahimong dalan aron mohimo og serye sa exhibits ang Kasal.com sukad pa niadtong 2003.

Unang giila nga Kasalang Filipino, ang aktibidad nagsilbing venue alang sa tanang wedding organizers ug suppliers nga maplastar ang ilang mga dream wedding ideas alang sa mga soon to be couples.

Luyo sa mga wedding gowns, suits, barong, cakes, anaa sab ang mga wedding organizers, photographers, ug uban pa.

Sa pikas bahin, unang beses sab kini suma pa nga gitugutan sab nga maka-scout ang mga debutants sa mga suppliers nga miapil.

+++

Kung kamo dunay mga aktibidad nga buot ninyong ipamantala, ipadala lamang ang inyong PRs, imbitasyon sa rhonnie.superbalitadavao@gmail.com