DAGHANG Dabawenyos ang nanga-itok, human mabasa ang Instagram story sa Kapuso star nga si Kate Valdez bag-uhay lang.

Ang Instagram story 24-oras nga anaa kini sa imong IG, human niini ma-delete na siya, apan daghan ang nakascreenshot sa kontrobersiyal nga himutok sa dalaga.

Sa maong IG story ni Kate gisulti gisuwat niini ang mensaheng “Gusto ko ng umuwi natatakot na ako,” diin uban dinhi ang picture sa Davao International Airport.

Ang aktres ania sa Davao last August 18, alang sa serye sa Kapuso Mall Show ug Barangayan events sa GMA Kapuso Regional aron i-promotar ang seryeng Onanay.

Apan ang maong post ni Kate miani og batikos gikan sa mga taga-Davao, lakip na sa pipila ka indibidwal nga di keri ang iyang gisulti,

Yawyaw sa mga netizens nga unsa man ang gikahadlok sa Onanay actress nga luwas man ang airport sa Davao itandi sa Manila International Airport.

Agosto 20, subling nagpost ang dalaga og mensahe nga nangayo og sorry sa iyang na-post.

Sa pahayag sa dalaga nga nakapost sa iyang IG, nabalaka lamang siya nga di dayon makauli tungod sa kadaghan niyang commitments nga atimanon.

“I would like to extend my sincerest apology to those whom I’ve offended with my post yesterday.

“I am just a bit frightened that I could not reach Manila on time, I have several duties and personal commitments to fulfill.

“It is not aimed to put malice or maligned any reputation.

“Thank you so much for those who patiently waited and joined with us in our Mall Tour in Gaisano, we had so much fun!!

“Maraming salamat mga Kapuso!!” mensahe sa 17-year old actress.