LAING adbentyur na sab ang giandam sa Eden Nature Park and Resort alang sa ilang mga kliyente.

Sa nakalabay nga Mayo 28, usa ning inyong tigsuwat nga naimbitahan sa media launching sa Skywheel, ang newest extreme adventure nila!

Kung adbentyur ang gipangita, well, perfect kining Skywheel tungod ang guest mamahimo nga molakaw sud sa dakong ligid nga gama sa bakal, samtang 60 ft kahabog gikan sa ground.

So kung may fear of heights ka, ayaw na lang gyud patuga-tuga, kay makalipong gyud siya.

Of course, ang bida sa tanan mao ang pagsugod nimo’g lakaw sud sa ligid padung sa pikas. May distansiya nga 200 meters, so 400 meters tanan, panukad daan sa exciting nga adbentyur.

Sa mga buot suwayan ang Skywheel sa Eden, got some reminders kaninyo, base sab sa akong kasinatian:

1. Make sure lig-on kag tuhod. Why? Di lalim padaganun o sikaran ang wheel nga 80 kilos, daw ka-trekking ka’s bukid.

2. I-enjoy lang ang scenery, never look down makalipong. Paminawa sila kuya nga mi-assist kanimo aron di ka magkaproblema sa imong pagsakay sa skywheel.

3. Skywheel is a good exercise, so don’t expect gyud nga gwapa kaayo ka paghuman, panington gyud ka.

Take note, gipamaulan man gyud ko human sa akong pagsakay sa Skywheel, apan bisan kurog gamay, worth it gyud ang experience.

Ang Skywheel bukas matag adlaw, 1 to 5 p.m., Monday to Thursday ug 8 a.m. to 5 p.m., Friday to Sunday.

Sa bayad nga P200, masinati na nimo ang extreme ride experience.

Luyo sa Skywheel, maenjoy sab nimo sa Eden ang ilang Skyrider o zipline, Skycycle o ang pagbisikleta sa ere ug ang Skyswing.