ANG kinabuhi nga layo sa siyudad, gugma sa ilang probinsiya ug sa nasud maoy inspirasyon sa simple ug mapaubsanon nga molupyo gikan sa Sta. Maria, Trento, Agusan del Sur, aron kompletuhon iyang karera sa pagkanta sa gawas sa nasud.

Kapin duha ka dekada sa Japan, si Jacqueline Cortez Baba nahimong inila sa entertainment industry tungod sa iyang maayong tingog ug dedikasyon sa paglingaw sa mga lokal ug langyaw nga turista didto.

Siya kanunay mokanta sa nindot nga awit nga makapadani sa kasing-kasing sa mga nagtan-aw ug naminaw kaniya.

Pahat sa iyang kita sa pagkanta gigamit niya sa pagsuporta sa edukasyon sa iyang kabanay sa ilang probinsya.

Ang mga awit nga iyang gipasundayag uban sa banda maoy nakapalingaw sa iyang mga fans.

Damgo

Aron matuman ang damgo sa pagkanta sa internasyonal nga entablado, siya naningkamot sa pagbansay aron mahimong perpekto iyang perpormans nga nakapahugyaw sa mga nagtan-aw.

Sa panahon nga siya mokanaug sa entablado, ang katawhan dungan naghangyo kaniya nga modalit pa og dugang kanta.

Alang ni Jacqueline, ang mga singers kinahanglan nga mag-antus sa ilang napili nga trabaho.

“Don’t give up. Put love into your work to give honor to our country and to earn a living, so you can help the needy,” suma pa niya.

Dugang niya nga gawas sa pagtabang sa iyang mga kabanay, siya nagdasig usab sa mga kabataan nga maningkamot nga mahimong bantugan nga mang-aawit.