SUBAY sa selebrasyon sa Sambuokan Festival sa Mati 2019, gilusad ang Sine Mati Film Fest 2019.

Nagtambayayong sa pagpresenta ang LGU Mati ug Local Youth Development Office sa siyudad.

Tumong sa aktibidad nga mapresenta ang panlantaw sa kabataan sa nagkadaiyang isyu karon. Luyo niini ang mas paglig-on pa sa panaghiusa, kultura ug turismo nga may kalambigitan ang kabataan.

Ang film festival bukas sa tanang estudyante, ug di estudyante nga interesado sa film making.

Mga mosalmot (director, scriptwriter, crew, videographer, editor ug uban pa) angay nga residente sa probinsiya sa Davao Oriental nga 15-anyos ngadto 35 anyos.

Sa buot moapil, gikinahanglan nga moparehistro sugod Septyembre 15 ngadto Oktubre 1 ning tuig.

In-kaso nga moatras sa kompetisyon, mohimo og suwat nga pag-isplikar sa rason sa dili pa ang Oktubre 5.

Sa paglagda sa Registration Form, ang entrante mosunod sa rules and guidelines sa kompetisyon.

Pinal nga kopya sa pelikula isumiter sa dili pa Oktubre 20, alas 5PM.

Sa dugang impormasyon labot sa kompetisyon, duaw sa LYDO Office sa CIO Office sa City Hall Compound sa Mati.

Mamahimo sab mo-email sa sinemati2019@gmail.com o kontak sa 0956-389-5142.