NANGAYO og pasaylo ang programang “Ang Probinsyano” kang Dingdong Dantes tungod sa paggamit sa litrato sa iyang pamilya.

Ang mga prodyuser sa programa nagsori sa aktor sa ilang nahimo.

Sa usa ka pahayag nga miguwa Miyerkules, gisulting wala gituyo nga maka-offend o mainsulto nila ang aktor.

Dugang pagpaklaro nila nga wala sila masayud nga ang kontraktor nga responsable sa pagmugna og mga props gigamit ang wedding photos sa aktor.

Ang mga prodyuser midugang nga milusad na sila og imbestigasyon “aron mapugngan ang susamang insidente nga mahitabo sa umaabot.” (Ma. Isobella Rebosura, AdDU intern)