MATI CITY, Davao Oriental - Sambuokan. Gikan kini sa Mandaya nga pulong nga "buok" nga ang buot ipasabot sa Ingles "one." Tumong sa maong festival ang pagselebrar sa paghiusa sa mga tawo sa Mati labi na sa mga etnikong grupo sa dakbayan.
Usa kini sa pinakadakong kaugdahan sa tibuok probinsya sa Davao Oriental nga ginasaulog matag bulan sa Oktubre, nga nadungan sab sa founding anniversary ning siyudad.
Gipasiugdahan ang Sambuokan Festival ni Edith Merced Nakpil Rabat niadtong 2001. Si Edith nakoronahan isip beauty queen sa Ms. Philippines 1956 ug kanhi assemblywoman sa rehimeng Marcos.
Anak siya nila Anita Agoncillo Noble nga nakoronahang beauty queen usab sa Ms. Philippines 1926, ug Juan Nakpil nga usa ka National Artist for Architecture.
Ang amahan ni Juan Nakpil nga si Julio Nakpil mao ang unang kalihim ni Andres Bonifacio ug kompositor sa Philippine National Anthem, ug ang inahan niya mao si Gregoria de Jesus, ang Lakambini sa Katipunan ug biyuda ni Andres Bonifacio.
Gipadayon ni Edith ang mga paningkamot ni kanhing City Mayor Francisco G. Rabat o mas nailhan sa mga Matinians sa pangalang “FGR”.
Si FGR kanhing Vice Governor niadtong tuig 1972 hangtud 1975. Midaog usab siya pagka Gobernador sa Davao Oriental niadtong tuig 1978 hangtud 1985.
Nahimo siyang mayor sa syudad sa Mati niadtong tuig 2001 hangtud 2007. Sulod sa unom ka tuig, diin miuswag pag-ayo ang Mati sulod sa unom ka tuig nga paglingkod ni FGR isip mayor ning siyudad.
Ang pagpaningkamot ni Edith Rabat mibunga sa kamugna sa "Indak-Indak sa Sambuokan" ug uban pang mga aktibidades panahon sa Sambuokan.
Sa tema sa kaugdahan ning tuiga nga "We act as one, we heal as one," nagpadayon gihapon ang usa ka semanang selebrasyon sa siyudad sa Mati taliwala sa Covid-19 nga pandemya. Ang tanang aktibidadis, gipaagi'g virtual alang sa Matinians ug sa uban pa nga gustong mosaksi lukop kalibutan.
Ang mga aktibidades karong 20th Sambuokan Festival mao ang Sayaw Indak, Lagubo, Harvest Festival, Sine Mati, Bamboo Planting, Mobile Blood Donation, Community Garden Competition, Skateboarding Video Making Competition, Pamukaw sa Sambuokan, Pagkila ug Closing Program & Awarding Ceremony.
Ania ang mga nahimong mananaug sa gipahigayong mga kompetisyon:
Sayaw Indak:
1st: Peullassus
2nd: Balangay City High Performing Arts
3rd: Tribu Maa-ti
Lagubo sa Sambuokan:
1st: Lacandeza Drumbeaters
2nd: Talento Drumbeaters
3rd: Langub sa Kweba
Sine Mati
1st: Banwa
2nd: Damgo
3rd: Sino si Mati
Skateboarding Video Making Competition:
1st: Mark Symone M. Antolin
2nd: Ryan Duas
3rd: Simoune Philippe Sabillo Vale
Best Tricks: Mark Symone M. Antolin
Best Video: Simoune Philippe Sabillo Vale
Best Run: Angie Boy Magbagay
Best Final Banger: Adrian Mawalic
Garden Making Competition:
1st: Brgy. Badas
2nd: Brgy. Tagbinonga
3rd: Brgy. Bobon
(PR)