DEAR Heartline,

Tawaga lang ko nga Mr. Taurus, 35. Ang suliran bahin sa akong gf, nagkauyab mi almost 12 years then nagkabulag me kay nabuntisan siya.

Karon, gusto niya magkabalik mi. Okey ra ba?

Mr. Taurus

Hi Mr. Taurus,

Anaa ra gyud na nimo sir og makigbalik ka niya. Kung makigbalik ka niya, libre ka ba? I mean, wa kay kabilinggan sa life, wa kay partner nga maghilak kay gipulihan nimo og lain, so okay ra.

Apan luyo kanimo, angay sab ikonsidera kung kanang ex-gf nimo nga buot makigbalik nimo is wala sab ba'y laing kabilinggan sa life.

Maayo ng magklaruhay mong daan kesa naman in the end, magbinasulay ra mo kay lagi nadala sa sobrang bugso ng damdamin, nagbalik og abtik, unya mokalit ra sab og buwag kay naay tagsatagsa ka responsibilidad sa kinabuhi nga angay atubangon.

Sa pakigrelasyon mas maayong magsinabtanay mo, give and take, di nang sa tanang panahon ikaw ang matuman ug paminawon, may panahon sab gyud nga ikaw maminaw ug motuman sab sa gusto niya.

So chill, huna-hunaa sa na og maayo okey?

Heartline