KUNG nangita kag veterinary clinic nga mas paspas ang resulta sa laboratoryo, ug mahatagan gyod dayon og tambal ang mga pets gumikan kay kompleto sila, - ania ang imong gipangita.

Kini ang SFA Animal Clinic nga anaa sa Quimpo Boulevard, Corner Juna Subdivision, Davao City. Sila naga-offer sa tanang matang sa serbisyong medikal alang sa inyong mga pets.

Mismong ang tagdumala nga veterinarian Dr. Ruth Bernabe-Cedeño ang mangunay sa pag-checkup sa inyong mga pets nga dunay gihambin nga balatian, - gumikan anaa lamang siya sa compound.

Ang maong klinika kompleto sa kahimanan, busa sud lamang sa 15 minutos mogawas na ang resulta sa laboratoryo ug mahatagan dayon og tambal kay kompleto sab sila sa mga medisina.

"Kompleto ta diri, gikan sa laboratory, sa mga medicines ug mga dog ug cat food," ingon ni Dr. Cedeño.

Naa sab silay grooming services sa mga pets diin ang ilang mga groomer, mga hanas na sab sa maong mga pagproseso.

Barato ra sab ang ilang mga vaccination services nga ang presyo ubos gamay sa ubang mga vet clinic, hinungdan nga magbalik-balik gayod ang ilang mga kliyente.

"Since 2013 pa ang SFA Animal Clinic, diin ubay-ubay na pod ang atong mga kliyente, mobalik gyod sila alang sa uban nilang mga pets kay nasulayan naman nila ang atong serbisyo," dugang ni Dr. Cedeño.

Sila matawagan sa (082) 295-7487; sa 0925-386-9883 ug sa 0933-810-9630.