BALIK sa Pilipinas ang US-based Pinay singer Sheryn Regis alang sa serye sa shows.

Gi-angkon sa singer nga nadugay-dugay ang iyang pagbalik tungod nahibaw-an niyang may cancer diay siya.

"Babalik sana ako ng 2016 for projects, and then I found out that I had cancer. That's why. Di muna ako nagpapakita," niya.

Angkon sa singer nga nahadlok kaayo siya nga mawala ang iyang tingog human siya gipailawom sa surgery.

"I had to undergo surgery. It was crucial for me kasi pag tinanggal, it was a thyroid cancer, 'pag tinanggal, alam mo ba maaring (tamaan) yun nerves. Pwede ako mawalan ng boses, sobrang it was really bad."

Giangkon hinuon sa singer nga karon nausab ang timbre sa iyang boses.

“Naapektuhan siya ng konti. Pero ok na, pero mabilis lang ako mapagod. I'm so thankful to God and sa support ng family and friends na kundi dahil sa kanila, di ko kaya.”

Sa kasamtangan, cancer-free na siya og padayon ang medikasyon.