DAGHAN ang nagtuo nga ang Gilas player nga si Terrence Romeo ang gipasabot ni Vice Ganda sa iyang komedya sa episode sa It’s Showtime niadtong Huwebes, Hulyo 12.

Nahitabo ni sa segment sa “Tawag Ng Tanghalan” dihang gikontra ni Vice ang gisulti sa babayeng contestant nga friends gihapon sila sa iyang ex-boyfriend.

“Hindi naman totoong nagiging magkaibigan ang magka-ex. Magkakilala lang kayo, ayos kayo, pero di kayo magkaibigan,” dason ni Vice, kinsa gidungog niadto nga nakarelasyon ang basketbolista.

Gipangutana si Vice sa iyang co-host nga si Vhong Navarro: “Kung may pagkakataon lang na mag-hi ka sa kanya, puwede bang mag-hi ka?”

Ug dinhi gi-atubang ni Vice ang camera ug matod niya, “Hi. Kamusta presinto?” ug dayon niyang bahakhak.

Ang mga netizen dali kaayong naka-react sa Twitter kay si Terrence kuno ang gipasabot ni Vice.

Ila ning gi-konek sa nahitabo ni Terrence, kinsa nakakita na sad og rambol niadtong Huwebes sa kaadlawon sa usa ka bar sa Quezon City ug makitang gi-eskortan sa mga security gawas sa presinto.

Si Terrence nag-tweet nga wala siya mapriso ug saksi kuno ang CCTV footage nga wala siya'y sala.