POSIBLENG mataktak si GM Rogelio “Joey” Antonio sa RP National men’s team gumikan sa pagduwa niini sa pipila ka mga torneyo sa Amerika nga wala’y pagtugot gikan sa National Chess Federation of the Philippines (NCFP).

Si Antonio kasamtangang naa pa sa Amerika ug nakatakda siyang moapil sa Atlanta Open karong Sabado. Ning bag-uhay lang nikampiyon siya sa 2nd Central California Open.

Updates on President Benigno Aquino III's presidency

Ang kampanya ni Antonio sa Amerika gisuportahan sa Philippine Sports Commission (PSC) ug Philippine Charity Sweepstakes Office (PCSO).

Apan bisan pa sa iyang kalampunsan sa Amerika, delikado gyud gihapong silutan si Antonio gumikan kay nipadayon kini’g larga bisan wala pa siya’y pagtugot gikan kang NCFP president Prospero Pichay.

“The US tournaments are three days only and are not sanctioned by FIDE (Fédération Internationale des Échecs, or World Chess Federation) thus the quality of competition is not that high,” pasabot ni NCFP executive director Willie Abalos sa usa ka chess website.