SUBAY sa Pasko Fiesta sa Dabaw 2014, ang lokal nga gobyerno sa dakbayan nanawagan og partisipante alang sa Lamdag Parada 2014, nga himuon karong Disyembre 20, nga mosubay sa nag-unang kadalanan ning siyudad.

Luyo sa maanindot nga floats nga salmot sa kompetisyon, anaa sab ang costume competition nga nagtangag og dagkong ganti.

Nasayran nga anaa sa 10 ka pribadong kompaniya ang mosalmot sa Lamdag Parada.

Apan gilauman ang dugang ihap sa sumasalmot sa mosunod nga adlaw.

Mga premyo alang sa Lamdag Parada mao ang P300,000 alang sa kampeyon, P200, 000 alang sa runner-up, P100,000 alang sa ikatulo ug duha ka P50,000 nga consolation prizes.

Sa costume competition, ang unang ganti anaa sa P15,000, 2nd prize anaa sa P10,000 ug P5,000 sa 3rd prize.

Dugang pito ka tawo modawat og tag P2,000 alang sa consolation prize.

Sa dugang impormasyon, ikontak lamang si Mr. James Zimmerman (0908-867-4869) ug Mr. Reynan Librado (0921-731-4321).

Ang ruta sa parada Freedom Park - CM Recto St. - Bonifacio St. - Legaspi St. - San Pedro St.