SA ATONG pagsuroy-suroy sa nagkadaiyang showbiz sites, nahagpat nato ni nga tsika the other day.

Sumala pa nga may kasuko karon si Cristine Reyes sa iyang leading man sa Cristine Series nga si Zanjoe Marudo.

Say sa mga tsismosa nga may insidente nga nadakin-as ang aktres atol sa ilang taping, maayo na lamang kay abtik sab siya nga nasalo ni Zanjoe.

Apan sa pagsalo ni Zanjoe, aksidente sab nga nagunitan niya ang dughan sa aktres.

Dugang pa nga wala lamang gihatagan og malisya ni Cristine ang nahitabo, thankful pa siya nga naluwas siya sa aktor.

Apan nalowkah og kalit ang aktres dihang nasayran nga nag-tweet diay si Zanjoe labot sa hitabo.

Sumala pa ha, nga super happy si Zanjoe nga gi-share ang nahitabo.

Tungod nabasa kini sa aktres, mitaas ang kilay sa dalaga, naitok kini.

Feeling ni Cristine nga nabastos na hinuon siya sa nahitabo, nganong kinahanglan pang pag-tsismisan ang maong butang.

Dugang sa tsikadora nga nag-sorry na si Zanjoe sa hitabo, apan suko gihapon ang aktres tungod di niya feel ang sincerity niini.

Isip resbak bisan unsa na sab ang tweet ni Cristine sa iyang Twitter account isip pagpakita nga wala gyud siya kauyon gibuhat sa aktor.