BALIK tambalan ang John Lloyd Cruz ug Toni Gonzaga sa pelikula human sa ilang blockbuster movie nga “My Amnesia Girl”. Mao nay balita ni Lloydie nga posible jud nga balik team-up sila ug makauban pa nila dinhi ang kagrupo niyang “Kanto Boys” nga silang Luis Manzano, Vhong Navarro ug Billy Crawford di vah bongga!

Apan karon busy pa gihapon ang ulitawo sa “Imortal”. Malipayon kaayo ang John Lloyd sa iyang career ug sa iyang lovelife bisan ug padayon nga giintriga ang iyang relasyon kang Shaina Magdayao...ay’g saba!

“Minsan lang kita iibigin” ang kantang gipasikat sa una ni Ariel Rivera karon maoy ulohan sa bag-ong teleserye sa ABS-CBN, ug si Gary Valenciano ang mohatag ug kinabuhi sa maong kanta.

Gipakita na sa mga press ang pipila ka mga esena sa maong serye ug grabeng pagdayeg ang nadawat ini sa mga nakasaksi dili lang sa powerhouse cast ini kondili sa kalidad sa pag-arte sa mga bida ug dagan sa storya.

Super bida dinhi ang Coco Martin nga may dual role isip sundalo ug rebelde, naa sab dinhi si Andi Eigenmann ug Maja Salvador. Balik telebisyon usab si Lorna Tolentino, John Estrada, Tonton Gutierrez ug balik showbiz ang Amy Austria. Dili sab patalbog ang mga beteranang sila si Dante Rivero, Ronaldo Valdez ug Boots Anson Roa.

Mao gani nga karon pa lang sa trailer nga nakita daghan na ang naghulat sa Marso 7, diin una kining makita nato sa kapamilya network. Ay’g saba!