USA ka drayber sa taxi ang gitulis ug gidunggab sa iyang pasahero nga duha ka mga lalake ugusa ka kauban niining babaye kagahapon sa kaadlawon.
Ang mga biktima gikan sa Barangay Gun-ob, dakbayan sa Lapu-Lapu nga nipara sa taxi nga gimaneho ni Reneboy Paduga, 38, minyo nga taga-Plaza barangay Apas, dakbayan sa Sugbo.
Si Paduga nagmaneho sa Soft Ride taxi nga nagdala sa plate number GXC-900.
Sumala sa talaan sa Subangdaku police, si Paduga gisakyan sa tulo ka wa mailhing suspek ug nagpahatod sa dalan FF Cruz sa North Reclamation Area (NRA) sa Mandaue, alas 5:55 sa kaadlawon.
Nakurat nalang si Paduga sa dihang gitionan siya og duha ka mahait nga hinagiban sa duha ka mga suspek nga lalake dayon nipahibawo nga tulis.
Way nahimo ang biktima gawas sa pagtunol sa iyang kita sa pagpamasahero nga moabot sa P2,400.
Usa ka suspek nga lalake nga diha sa front seat sa passenger side maoy nidunggab si Paduga sa iyang tuo nga bukton.