NILANDING sa balay tambalanan ang usa ka lalaki human gidunggab gamit ang nail cutter mga alas 7:50 sa gabii niadtong Martes sa Gaabucayan Extension, Agora, ning siyudad sa Cagayan de Oro.

Ang biktima naila sa ngalan nga si Randy Dehing, 39, usa ka drayber sa motorela ug taga San Lazaro, Lapasan ning siyudad.

Gisaysay sa biktima nga samtang nag-inom sila sa usa ka naila nga Dodong Villasco, nga taga Puntod ning siyudad ang kalit lang siyang giluba niini human sila nagkalalis.

Dugang pa niini nga kay lage medyo nakainom na sila ang ilang gamay nga bikil sa estorya niresulta kini sa pagpangdunggab.

Nakaangkon gg samad sa iyang tiyan si Dehing ug kasamtangang nagpaalim sa Northern Mindanao Medical Center ning siyudad.

Sa pagsulat ning balita, padayon pa nga gipangita sa kapolisan sa Police Station 3 sa Agora ang maong suspetsado human kini giingong mi eskapo agi sa Bitan-ag creek.