HUMAN mag collapse duha ka semana na ang nakalabay tungod sa tumang kakapoy, buot karon ni Gerald Anderson nga mopahuway kadiyot sa showbiz.

Kahinumduman nga right after sa iyang dance number sa ASAP XV pila ka Dominggo na ang nakalabay, kalit nga nawad-an og panimuot ang ulitawo.

Plano ni Gerald nga mag-recharge una, hilabi na nga bag-uhay lamang sab natapos ang iyang serye nga "Kung Tayo'y Magkakalayo."

"Pahinga muna kasi mula noong 'Tayong Dalawa' diretso dito sa 'Kung Tayo'y Magakakalayo,' kaya konting pahinga lang muna. Baka uuwi ako sa GenSan para makita ko mama ko tapos marami kaming (trips) abroad. Pupunta kaming Florida next next week. Itong 'Kung Tayo'y Magkakalayo,' magto-tour kami sa US," ni Gerald.

Say ni Gerald nga wala nay angay kabalak-an tungod okey na siya, improving na sab ang iyang kondisyon.

"Nagkasakit lang pero okay lang. Medyo nahilo lang kasi ang trabaho namin sunud-sunod. Buti na lang okay na ako."

Sa pikas bahin, no comment ang aktor sa tsika nga buwagon na sila sa screen partner nga si Kim ug ipares sa ubang actors and actresses.

"Wala pa kaming alam. Hindi namin alam kung ano ang mga future projects. Pero meron daw. Si Kim excited, ako excited," niya.