ANG Go Skateboarding Day 2012 ilusad karong Hunyo 21 didto sa Freedom Park sa Roxas Avenue.

Ang maong kalihukan gi-organisa sa Davao Skateboarding nga dunay free-ride ug magsugod sa Freedom Park hangtud sa Magsaysay Park.

Ug sugdan ang kompetisyon sa Magsaysay Park.

Unang tigian ang Skateboard Class A Invitational competition, dayon sundan kini sa Tailside/FS Noseslide Challenge, Regular stance versus Goofy stance Challenge, Highest Ollie ug ang S.K.O.O.L. Challenge.

Hatagan og premyong kuwarta, tropeyo ug libreng merchandise ang mga mananaug sa matag-dibisyon.

Human niini, magpahigayon sila og party nga himuon didto sa Durian Bar sa Madrazo Compound. (RPSA)