GITUOHANG hit man sa Tau Gamma fraternity nasikop sa kapulisan sa dakbayan sa Lapu-Lapu human makuhaig armas.
Si Aguinaldo Opsinar, alyas “Diablo” 20 anyos, taga barangay Agus, ug sakop sa Tau Gamma, nakit-ang nagdalag armas pasado alas 9:00 sa gabii niadtong Miyerkules, sa may Gaisano Grand Mall samtang nakig-estorya sa iyang mga higala.
Ang puan sa armas nigiwal sa iyang bag nga kolor itom hinungdan nga sila si PO1 Jansen Clamente ug PO1 Erlan Salonoy kinsa nag-duty sa maong dapit daling nidakop sa gikatahapan. Nakuha gikan kang Opsimar ang usa ka .38 paltik revolver ug adunay upat ka mga bala. Nasuta nga walay lisensya.
Base sa ilang pasiunang imbestigasyon nakadawat silag report nga si Opsimar hitman sa iyang fraternity hinungdan nga ilang susihon ang pagkatawo niini.