ANG commanding officer sa 10th Infantry Division sa Philippine Army (PA) nagpahibalo nga ibalhin na siya sa kaulohan sa dili madugay, sigun sa text message ni 10ID commander Major General Carlos Holganza nga nadawat sa SuperBalita.

"Dear friend, it was an honor and privilege working with you. I will be transferred to Manila very soon, but I want you to know that I have learned so much from my stint here in Davao," ni Holganza kinsa mapasalamaton sa tanang mga tawo nga iyang nakauban sa pagpaninguha alang sa malahutayong kalinaw sa Habagatang Mindanao.

Si Holganza usa sa mga opisyal sa militar nga nakaila sa SuperBalita nga ang tanang tinguha sa pagpatunhay kalinaw dili lang makab-ot sa pakiggubat apan pinaagi sa development projects.

Sa tanang lakang ug tinguha sa maong opisyal, dili gayud niya hikalimtan pagpasalamat ang Diyos nga maoy labing gamhanan sa kalibutan.

"I pray that we will achieve lasting peace here in Davao. We can achieve this if we forget past hatreds, learn to unite and work together, and put our faith in God," pung ni Holganza sa iyang text message.

Mga magsusuwat ug magsisibya nga nagsunod sa tanang press conferences sa heneral gianugnan sa pagbalhin kang Holganza sanglit dili na niya mapadayon ang maayong tinguha nga mao ang pagpatunhay malahutayong kalinaw sa Davao region.

"My best to you and my regards to everyone," panapos ni Holganza sa iyang mensahe sa text kinsa wa magpahibalo sa hustong petsa sa turn-over ceremony.

Ang maong opisyal giingon nga na-promote na ngadto sa three star general. (AD)