Mga duwa karon:

4:00 pm- Talisay batok ACT

5:30 pm- SCSIT batok Ave Maria

KULBAHINAM nga aksyon ang gituohang masaksihan sa panagharong sa mga lider nga Salazar College of Science Institute andTechnology (SCSIT) Skyblazers ug Ave Maria Sanctuary Park sa main game karong hapon sa Cebu Basketball Association (CBA) sa Cebu Coliseum.

Ang Skyblazers (3-0) ni coach Jojo Romarate pangulohan ni ex-PBA Stephen Padilla, Mark Abadia, Rino Berame, ug Joseph Guangco.

Moparang sa mga nangahisgutan mao ang mga sinaligan sa Ave Maria (3-0) nga sila si kanhi Cesafi MVP Enrico Llanto, ex-PBA Herkules Tangkay, Arman Ponce, ex-PBA Danilo Aying, ug ex-PBA Bruce Dacia.

Sa premirong duwa, magsangka ang Talisay City ug Asian College of Technology (CIT) nga pulos adunay 1-3 nga baraha.