CHISMIS sa usa ka tabloid columnist nga hangtud karon, may dakong utang ang kontrobetsiyal nga aktres nga si Krista Ranillo sa producer sa pelikulang Marino diin usa siya sa mga bida.

Dugay na ang istorya sa utang apan naundang tungod sa pagtuong nabayran na ang maong salapi tungod kay daghan siya og kuwarta karon. Apan sa uwahing update, wa pa gayud diay nabayran sa sexy starlet ang maong utang sa engineer nga producer sa pelikula.

Sey pa nga 200,000 pesos ang utang ni Krista nga kung buot huna-hunaon, mabayran na unta niya kini sa paghimo pa lamang sa pelikulang Wapakman nga entry sa Metro Manila Film Festival.

Karon nga gina-promote na ang pelikulang Marino, gituohang subling maukay na sba ang isyu sa utang ni Krista sa maong producer.

Daghan sab ang nagpangutana karon kung nganong nakautang sab si Krista og ingon niini kadako ngadto sa producer ug naka-ako kini nga di bayran ang maong utang hangtud sa kasamtangan.