GIPAHIMANGNOAN sa Commission on Elections (Comelec) ang mga kandidato nga manglimpyo sa ilang mga hugaw nga salin sa eleksiyon ilabi na gyud kadtong mga pildiro nga kandidato.

Daghang lugar gihapon sa probinsiya sa Davao del Sur ang hugaw pa sa mga campaign materials sa mga kandidato sa milabayng eleksiyon.

Sumala ni abogado Maria Febes Barlaan, provincial election officer, nga kinahanglang mismo ang mga suporter kon tawo sa mga kandidato ang manglimpyo sa ilang mga campaign materials.

Ikaunom na ka adlaw human nahitabo ang barangay ug Sangguniang Kabataan (SK) eleksiyon apan ang ubang kandidato gibiyaan lang ang ilang mga campaign materials nagkadaiyang mga dapit.

Samtang naproklama na sa Comelec ang tanang nidaug nga kandidato hasta ang mga giingong nagtabla og boto apan midaug sa gihimong pagbunot.

Gihimo sa Comelec ang "toss coin" nga gisaksihan sab sa mga personahe sa Department of the Interior and Local Government (DILG) aron maproklama ang maong mga kandidato.

Sa maong paagi, nadawat na lamang sa ubang kandidato bisan pa kon naa na lang nahimutang sa ikapitong posisyon. (Dondon Dinoy)