DI pa gihapon basta-basta mawala sa sistema ni Nina ang kasuko ngadto sa ex-boyfriend nga si Nyoy Volante. Hangtud karon, di pa niya kini mapasaylo.

Sumala sa source nga nagdungan sa pag-guest sa ASAP sila si Nina ug Nyoy apan dedmahan gayud ang ilang drama.

Makapilang higayon daw nga nakita si Nina nga motan-aw kang Nyoy nga motaas gayud daw ang kilay ngadto sa ex-boyfriend.

Naa pa sa korte sa kasamtangan ang kasong estafa nga gipasang-at ni Nina kang Nyoy ug sa pamilya niini. Una nang gibutyag nga mobalor ngadto sa P1.4 million ang kantidad sa kuwartang naharbat ni Nyoy kang Nina.

Pasalamat na lamang karon si Nina nga bisan pa man sa mga kasakit nga nasinati last year, karong 2010, iyang nadawat ang Diamond Record award alang sa album niyang Nina Live nga nakabaligya og kapin 200,000 copies.