PULIS nga nakigpinusilay sa mga tulisan sa usa ka lending firm sa dakbayan sa Sugbo sa maiging semana, hatagan og Medalya ng Kagalignan sa Police Regional Office (PRO-7) karong adlawa.

Sa miaging semana, gitulis ang usa sa lending firm nga utanganan sa mga pulis ug gitumbok nga nitulis mao ang mga sakop sa Meloy Garcia Group nga nagbase sa Bohol bisan ang ilang lider nga si Meloy Garcia napriso sa maong lalawigan.

Apan walay suwerte ang maong mga tulisan tungod kay nasikop kini sa kapulisan sa dakbayan sa Sugbo human nga si PO3 Osorio Ramiso Jr., sakop sa Regional Police Community Relation Office nga nagpuyo duol sa lending firm, nakigpinusilay sa mga pulis nga niresulta sa pagkaangol sa duha ka mga tulisan ug pagka-sikop sa laing duha.

Si Chief Supt. Ager Ontog pangulo sa PRO-7 nipahibawo nga karong adlawa ilang tauran og medalya si PO3 Ramiso gumikan sa iyang bayanihong kaisog.

Samtang si Chief Insp. Enrique Belciña sa PCR niingon nga garbo nila si PO3 Ramiso gani gipahibawo sila sa buhatan ni Senior Supt. Nioel Gillamac pangulo sa Mandaue City Police Office nga ang MCPO mohatag usab og pahalipay ngadto ni PO3 Ramiso.

Kini tungod kay nagtuo si Gillamac nga kon wala pa masikop ang mga tulisan sakop ang kahigayonan nag manulis kini sa dakbayan sa Mandaue.

Gawas sa Medalya ng Kagalingan nga gitaod karong buntag ni PO3 Ramiso ang PRO-7 moduso usab og report ngadto sa Camp Crame labot sa nahimo ni PO3 Ramiso samtang morekomendar kini alang sa usa ka spot promotion.

Nasayran usab nga ang kagamhanan sa dakbayan sa Sugbo mopalabang usa og resulosyon pinaagi sa konseho nga nagpahalipay ni PO3 Ramiso.

Hinuon, si PO3 Ramiso nga nahinabi sa dyRC atol sa tumanon nga Police and Defense Line nga wala sa iyang hunahuna nga mahatagan siya sa maong pasidungog sanglit iya ra mang gihimo ang iyang gimbuhaton isip usa ka pulis.

Apan kon nakita man kini sa iyang mga labaw ug nahatagan siyag pasidungog, iya kining gikalipay ug gipasalamatan ang pag-ila sa iyang pagserbisyo.