NADISMAYA si Sen. Vicente Sotto sa gipahigayon nga husay sa mega shabu laboratory sa dakbayan sa Mandaue kagahapon sa hapon sa sala ni Judge Marilyn Yap sa Branch 28.

Si Sotto nitambong sa husay sanglit buot niya nga mosaksi sa dagan sa maong kaso ilabi na nga sud na sa lima ka tuig kining gipahigayon.

Click here for stories and updates on the Sinulog 2010 Festival.

“It was quiet disappointing kasi yung defense would not present the main accused na si Calvin Tan,” tipik sa pamahayag ni Sotto.

Pulong pa sa senador nga usa sa mga rason sa iyang pagtambong sa husay mao ang pagpaniid labi na nga iyang nakita ang dakong panginahanglan sa pagtukod og special drug courts.

Sa maong paagi di na magtipun-og ang mga drug related cases sa mga regular court sa nasod.

Masaligon si Sotto nga mas epektibo ug mas paspas ang pagpaguwa unya sa resulta sa husay.

Atol sa husay, ang depensa niawhag sa Philippine Drug Enforcement Agency (PDEA) human sila nagpadala og summon sa pag-produce sa mga ebidensiya nga gisakmit sa dihang gisikop si Calvin Tan sa nasod sa Hongkong lima na ka tuig ang nakalabay.

Si Atty. Gloria Lastimosa-Dalawampu, legal counsel ni Tan, nipasabot nga ang ilang gihangyo nga makuha ang mga bank document sa iyang kliyente lakip na ang passport, credit cards ug ATM cards nga gisakmit sa mga arresting officer. (FVQ)