TINDAHAN sa usa ka Korean national sa Baranmgay Bakilid, dakbayan sa Mandaue gilungkab sa wala mailhnig tawo, dul-an sa P200 mil ang nakawat.

Sa taho sa sa Mandaue City Police Office, ang tag-iya sa tindahan mao si Sangok Lee, 45, nagpuyo sa Beverly Hills, Barangay Lahug, dakbayan sa Sugbo.

Si PO1 Marlon Gravina nga nahinabi sa Sun.Star Superbalita nibutyag nga sigun sa biktima, pasado alas 4:00 sa hapon nabantayan sa guwardiya nga duty nga abli na ang kisame sa tindahan.

Sa dihang gisusi sa tag-iya, nakita nga gipugos na usab pag-abli ang vault sa tindahan nga adunay sulod nga P180 mil.

Wala nay laing nawagtang sa tindahan apan ang kapulisan padayon pa sa ilang gihimong pakisusi aron mailhan ang responsabli.

Lakip sa gusisi kon dili ba inside job ang maong pagpanglugkab.