KANHI kampyon sa Universal Reality Combat Championships (URCC) nakasugat og engkwentro human sa dakong torneyo nga gipahigayon sa usa ka five star hotel pasado alas 11 sa miaging gabii sulod sa parking lot.
Ang nagpa-blotter sa kapulisan sa Mabolo police station sa dakbayan sa Sugbo giilang mao si Sabah Fadai, 24, usa ka Canadian national, temporaryong nagpuyo sa brgy. Hipodromo ning siyudad.
Iyang gitumbok ang upat ka wa mailhing mga langyaw nga maoy nagtinabangay pagpakigsukmagay kaniya.
Si SPO2 Ernesto Pana-ligan sa Mabolo police station niingon nga niasoy kanila si Fadai nga nitam-bong sa torneyo ang bik-tima aron sa pagsaksi sa mga away.
Atol sa duwa, aksidente niyang nasindulan ang usa sa mga langyaw, apan nasuko kini kaniya.
Nangayo og pasaylo si Fadai, apan wa siya panum-balinga sa langyaw. (JFT)