Gipaabot nga moluwat na usab og espesyal nga pag-ampo o oratio imperata si Cebu Archbishop Ricardo Cardinal Vidal batok sa kontrobersiyal nga Reproductive Health bill.

Kini ang gitug-an ni Dr. Rene Josef Bullecer, country director sa Human Life International, dihang nahinabi sa Sun.Star Superbalita.

Kon gikinahanglan ang pagluwat og oratio imperata aron kapugngan ang pagpasar sa RH bill sa Ubos Balay-balauranan, buhaton sa Cardinal.

Siya nagkanayon nga nihatag na og marching order si Cardinal Vidal ngadto kaniya atol sa ilang tigom niadtong Biyernes sa buntag alang sa himuong dakong kalihukan batok RH bill. SCG