GIPABUHAGAY ni Brian “Hawaiian Punch” Viloria nga layo pa kaayo sa iyang hunahuna ang pagretiro.

“I would rather die doing something I love than live doing something that I don’t,” matod ni Viloria, kinsa nakuyapan human sa iyang masakit nga 12th round TKO nga kapildihan batok kang Colombian Carlos Tamara sa miaging semana sa Cuneta Astrodome.

Click here for stories and updates on the Sinulog 2010 Festival.

Gitino sa 29 anyos nga kanhi two-time world champion nga bug-at gyud kaayo kaniya ang pagretiro sa boksing gumikan kay mao na gyud kini ang naandan niyang gimbuhaton sukad sa iyang pagkabata.

“It will be tough. It’s (boxing) something I’ve been doing since I was a kid,” pasabot ni Viloria.

Hinuon ning puntoha, wala pa gyud nasayod si Viloria kon unsa nga lakang ang iyang pagabuhaton. Matod niya timbang-timbangon niya ang tanan inig larga niya paingon sa Los Angeles kauban ang iyang fiancée nga si Erika Navarro.

“It’s too hasty yet to come up with a decision now. I’ll sit down with my team once I arrive in L.A. and then discuss our next move,” dugang ni Viloria.

Gipasabot ni Viloria nga nagdepende lang gyud siya sa desisyon sa iyang manager nga si Gary Gitthelson kabahin sa iyang sunod nga lakang.

Si Viloria natinggalong sud sa tulo ka mga adlaw sa Makati Medical Center human sa iyang kapildihan ni Tamara.

Hinuon nadeklarar ra dayon nga luwas na sa makuyawng kahimtang si Viloria.