GILAUMAN nga moabot sa 100 ka tim ang magtigi sa Blue Knight Cup Football Festival Futsal karong Pebrero 25, 27-28 didto sa Tionko Football Field.

Kini ang pahayag ni Davao Football Association (DFA) Tournament Chair Rachelle Delos Reyes atol sa Davao Sportswriter Association (DSA) Forum didto sa NCCC Mall Food Cove Function Hall kagahapong adlawa.

"In 3 days event, we're expecting 100 teams from Davao, Tagum, Cotabato, Lasang, Digos and some areas in Mindanao," ni Delos Reyes.

Niya pa nga sa tulo ka adlaw nga tigi, langkuban sa tulo ka mga dibisyon, kon diin ang 6 hangtud 13 anyos sa Pebrero 25, samtang sa 27 ang 14-17 anyos ug open dibisyon sa Pebrero 28 alang sa 7-A side single round format.

Ang tulo nga manguna sa matag dibisyon, makadawat og tropeyo ug medalya.

Sa laing bahin, andam na ang Ateneo de Davao University grade school ug high school team nga makigtakus sa Davao Region Athletic Association sa Peb. 14 didto sa dakbayan Tagum.

"Tan-awon lang pod kung modaug mi, nagpadayon gihapon ang training." (MSR)