ONSE ka mga lawak saringan ang naugdaw sa sunog kagahapon sa Maribago Elementary School ug Maribago National High School sa dakbayan sa Lapu-Lapu.

Ang sunog nadawat sa Lapu-Lapu Fire Department 6:42 ug nakotrolar kini alas 6:54 sa buntag.

Nabutang kini sa second alarm.

Base sa pasiunang imbestigasyon ni fire investigator SFO1 Hadjilodden Samonte nga nagsugod ang kayo sa Maribago Elementary School.

Mitabok kini ngadto sa Maribago National High School nga tupad ra usab sa maong tunghaan.

Unom ka mga classroom sa elementary ang nasunopg nga gilangkuban sa grade-5 ug grade-6 samtang lima ka classrooms sa high school nga gilangkuban sa grade 10.

Hinuon way nakalas o naangol atol sa hitabo.

Gibana-bana nga mokabat sa P500,000 ang gibilin nga danyos.

Samtang linya sa kuryente maoy gitumbok nga sinugdanan sa kayo.