MOABOT ngadto sa 70 ka sultada ang masaksihan karong adlawa sa dihang ipahigayo ang 3-cock/combo derby.
Ubos sa promosyon ni Danny Elbina, ang pot mokantidad og P3,500 samtang P200,000 ang nakahan-ay nga premyo.
Mosugod ang derby sa alas singko ang takna sa hapon.
Si Abio Monsanto, ang usa sa nagdumala sa Gallera de Mandaue mipahibawo nga adunay hackfight nianang ala una sa hapon hangtod sa alas singko diin mosugod na ang maong derby.
Samang sa laing bahin, isip kasaulogan sa kapistahan, ipahigayon karong Pebrero 3 ang Barangay Paknaan 2-cock Fiesta Derby diha sa New Gallera de Mandaue, dakbayan sa Mandaue.
Mokabat ngadto sa P150.000 nga ganting salapi ang nakahan-ay sa maong derby nga ubos sa promotion ni Eugene Andaya ug giabagan sa management sa GDM nga ubos na karon sa bag-ong management nga gipangulohan ni Abio Monsanto.
Ang pot money mokantidad og P2,500.