NAKABSAN sa kinabuhi ang 76 anyos nga lolo human nabanggaan og delivery van niadtong Lunes, Pebrero 13, sa Barangay Lunao,dakbayan sa Alubijid, Misamis Oriental.

Giila ang biktima nga si Mariano Macalaguing, residente sa dapit.

Sa inisyal nga imbestigasyon sa kapolisan sa Alubijid Police Station, nasuta nga ang biktima mitabok sa karsada ug posibleng wala niini namatikdan ang naghaguros nga van.

Gumikan sa kusog nga impak, nabunal ang ulo sa biktima ug nakaangkon og daghang pangos sa kalawasan.

Gidali pa kini og dala sa Northern Mindanao Medical Center sa Cagayan de Oro apan pila ka minutos nilabay, nakabsan kini sa kinabuhi.

Giingong mitahan ning panahona ang driver sa delivery van sa presintuhan.