ATOL sa iyang speech sa Kaamulan Festival sa Malaybalay, Bukidnon gisulti ni Presidente Rodrigo Duterte nga mokabat sa 90 kapin na ka mga empleyado sa gobyerno ang iyang gipatangtang gumikan sa giingong hiwi nga mga kalihokan.

Giingong sagad sa mga empleyado naggikan sa Bureau of Customs, Land Transportation Franchising and Regulatory Board, Bureau of internal Revenue, ug Land Transportation Office.

Matud ni Duterte nga nalipay siya nga naputol na ang daw ilang pagpangwarta diha sa ilang pagserbisyo.

“Diko gusto mauwawan ta. Okey nato nga nakakawrta mo,” butyag niini.

Gihangyo usab niini ang tanan katawhan nga kon adunay mga mamatikdan nga mga badlungon gihapon nga empleyado sa gobyerno nga itawag kini sa iyang hotline number nga 8888 tungod kay iya kining aksyunan diretso ug paimbestigahan.

Gawas niini iya usab gibutyag nga padayon ang iyang paggukod sa mga nalambigit sa ginadili nga droga dinhi sa nasod.