DAKO ang pasalamat ni kanhi California Governor ug Hollywood star Arnold Schwarzenegger sa bag-ong teknolohiya karon nga ginagamit sa paggama og pelikula.

Kini tungod mamahimo niini nga mabag-o ug mapanindot pa ang usa ka movie.

Suma sa kanhi Mr. Universe nga sa bag-ong sequel sa Terminator, hapit niya kini wa dawata tungod sa iyang edad, apan sa tabang sa teknolohiya nahimo niini nga mapalig-on ang iyang resistensya aron mogawas siyang mas kusgan sa movie.

Nanukad na sab ang aktor sa paghimo sa movie nga "Conan".