MAWAB, ComVal Province - Giimbestigahan sa kapulisan ang pagdagit sa usa ka dalaga apan gibuhian sa mga suspek didto sa National Highway, Purok 16, Barangay Poblacion, alas 2:00 sa hapon, Miyerkules.

Segun sa taho sa awtoridad, midangop sa Mawab Municipal Police Station si alyas May, 20, dalaga, nagpuyo sa Tigatto Relocation, Davao City.

Atubangan sa mga imbestigador, gisaysay sa biktima nga alas 11:45 sa gabii niadtong Lunes pugsanon siyang gidagit sa upat ka mga wala mailhing lalaki didto sa Piapi Boulevard, Davao City.

Gidason sa biktima nga nawad-an siya sa panimuot ug didto na siya nakamatngon sa Purok 16, Barangay Poblacion, Mawab, Compostela Valley.

Nahanaw na ang sling bag sa biktima nga dunay Asus Zenfone, power bank, earphone, wallet nga dunay ID card ug cash nga P1,300.

Naglusad og imbestigasyon ang kapulisan sa lugar ang kapulisan diin gibuhian sa mga suspek ang biktima.

Gitawagan sab sa kapulisan ang amahan sa biktima ug gipahibawo sa gidangatan sa iyang anak.

Gilayong gitugyan ang biktima ngadto sa Department of Social Welfare and Development Office.