NILANDING lang si Johnnel Balquin sa ika-upat nga pwesto sa 9th Kidapawan Open Chess Championships, diin nahuman niadtong Dominggo, Pebrero 12, didto sa Kidapawan Convention Center.

Napildi si Balquin ni Jason Salubre sa Panabo City sa krusyal nga kataposang round sa 7-round Swiss System nga torneyo.

Adunay tsansa nga malangkat ni Balquin ang kampyonato kon nidaug siya ni Salubre sa kataposang round.

Unang nasamdan og pildi si Balquin sa ika-upat round batok sa co-champion nga si Henry Lopez nga usa sab nga taga-Panabo.

Human sa ika-pito nga round, parehas nahuman sila Salubre ug Lopez og unom ka puntos matag usa. Apan, na-solo ni Salubre ang titulo tungod sa taas nga tie-break point hinungdan si Lopez naa sa ika-duha nga pwesto.

Solong naa sa ika-tulo nga pwesto si National Master Emmanuel Emperado nga adunay 5.5 puntos, samtang si Balquin og unom pa nagbugkos sa ika-upat paingon sa ika-upat paingon sa ikanapulo nga pwesto nga adunay lima ka puntos matag usa.